اليها كتبتها ... واليها

اليها كتبتها ... واليها
مـــــاتجنيه
هامت الروح بغيابك سرحت باليل المدينه
ومن سألني الشوگ عنّك مانفع وياه حچينه
ولاتظن ننسه ونذكرك لا بعد لا ما نسينه
يادمع منهو الينشفك مو شتاكَة حتى ادينه
ويا عشگ لغنية السبعين كل الحانه بينه
ويا سهر ذيچ الليالي ياكَلبنه وياحنينه
يا شعر عالفطره أنت بيك من اول بدينه
خاطري مكسور خاطر جاب كل عمره وسنينه
ويا عمر من غير شخصك مظلمه ايامه وحزينه
وغيركم مايمله عيني چان حبينه وهوينه
بس الك عالن رجائي غيركم متوسيلينه
ما يحن معقوله كَلبك خاف يمكن باع دينه
ولويحسدك كَول حقك لوعذر منّك رضينه
ما نريدك دوم يمنه بالچذب سيّر علينه
نبقه يعني شلون فكرك نبقه نحلم ما تجينه
ابقى وحلم ما تجينه ... ما تجينه
منتظر ردودكم ............. تحياتي للجميع